фирансийәдә йүз бәргән намайишлариқтисадий ешиш рәқәмлиригә қандақ тәсир көрситиду
фирансийә иқтисад министири бруно ле маире, сериқ чапанлиқлар намайишлириниң дөләт иқтисадиниң 2018 – йилиниң үчинчи чарәклик ешиш нисбитигә %0.1 сәлбий тәсир көрситидиғанлиқини билдүрди.
түркийә авази радийоси хәвири: фирансийә иқтисад министири бруно ле маире, ETL радийосиға байанат берип, 17 – нойабирда башланған намайишларниң фирансийә иқтисадиниң мушу йилниң үчинчи чарәклик ешиш нисбитигә %0.1 лик сәлбий тәсир көрситишини күтүватқанлиқини билдүрди.
бу җәрйанда, шәнбә күнидики намайишлар йүзисидин сода мәркәзлиригә баридиған херидарлар саниниң %17 төвәнләп кәткәнлики қәйт қилинди.
фирансийә ички ишлар министирлиқи елан қилған санлиқ мәлуматларға асасланғанда, «сериқ чапанлиқлар»ниң шәнбә күнидики намайишлириға 136 миң адәм иштирак қилған. йүз бәргән вәқәләр әснасида 2 миңдин артуқ адәм сақчи понкитлириға елип берилған, 1700 дин артуқ адәм назарәт астиға елинған.
фирансийәдә йеқилғу баһалириниң өстүрүлүши вә иқтисадий шараитниң начарлишишиға наразилиқ билдүрүш мәқситидә 17 – нойабирда башлинип, арқидин макрон һөкүмитигә болған ғәзәбкә айлинип кәткән «сериқ чапанлиқлар» намайишлири, йеқинқи йилларниң әң шиддәтлик наразилиқ һәрикәтлириниң биригә айланди.
مۇناسىۋەتلىك خەۋەرلەر
түркийәдә ишсизлиқ нисбити төвәнлиди
түркийәдә ишсизлиқ нисбити март ейида алдинқи айға селиштурғанда % 0.1 азийип, ٪8.6 кә төвәнлиди.
түркийәниң санаәт мәһсулатлирини ишләпчиқириш көрсәткүчи ашти
түркийәниң санаәт мәһсулатлирини ишләпчиқириш көрсәткүчи йиллиқ нисбәттә % 4.3 ашти.