йапонийә иран ембаргоси мәсилисидә америка билән сөһбәт өткүзмәктә
йапонийәниң американиң иранға йүргүзгән ембарголиридин мустәсна болушта чиң туруватқанлиқи билдүрүлди.
түркийә авази радийоси хәвири: кйодо хәвәр агентлиқиниң хәвиригә асасланғанда, йапонийә малийә министири таро асо америка малийә министири стевин мнучин билән һиндонезийәниң бали арилида өткүзүлгәнG-20 иқтисад министирлири вә мәркизий банка башлиқлири йиғини җәрйанида айрим көрүшти.
йапонийә малийә министири таро асо көрүшүштә, американиң иранға қаритилған ембарголардин теһран билән мунасивити бар йапонийә ширкәтлириниң зийанға учраш мумкинлики һәққидики әндишәлирини стевин мнучинға йәткүзгәнликини билдүрди. у токйониң әндишәлирини американиң чүшинишини үмид қилидиғанлиқлирини әскәртти.
америка һөкүмити ирандин нефит импортини көп дәриҗидә азайтқан бәзи дөләтләрни ембаргодин мустәсна тутиду.
йапонийә ембарголардин мустәсна болуш үчүн америка даирилири билән изчил көрүшүватқан йапонийә, көрүшүшләрдин нәтиҗә чиққичә ирандин нефит импорт қилишни вақитлиқ тохтитидиғанлиқини елан қилған иди.
америка 5-нойабирдин башлап иккинчи қетимлиқ ембарго пилани бойичә, иран дөләтлик нефит ширкити, иран нефит сода ширкити вә дөләтлик бак ширкитигә иҗра қилиду.
مۇناسىۋەتلىك خەۋەرلەر
шимшәк: йәршари мәбләғ салғучилири түркийәниң иқтисадий пиланиға ишиниду
министир мәһмәт шимшәк америка қошма иштатлиридики зийарити һәққидә TRT гә байанат бәрди.