«русийә бәзи дөләтләрдики радикал партийәләргә иқтисадий йардәм бериватиду»
йавропа иттипақи рәһбәрлири русийәниң бәази дөләтләрдики радикал партийәләргә иқтисадий йардәм бериватқанлиқини илгири сүрмәктә.
түркийә авази радийоси хәвири: бу мәсилә бүгүн белгийәниң пайтәхти бирйусселда чақирилидиған йавропа иттипақи башлиқлар йиғинида музакирә қилиниду.
испанийәдә чиқидиған «‹ El País› гезити» ниң хәвәр қилишичә, мәркизи будапешттики Political Capital Institute қатарлиқ йавропадики көплигән тәтқиқат орунлири анализлири арқилиқ москваниң йавропа иттипақи ичидики түрлүк радикал партийәләргә иқтисадий йардәм бериватқанлиқини паш қилған болуп, русийә иқтисадий йардәм бериватқан партийәләр арисида фирансийәдики миллий алдинқи сәп, венгрийәдики җоббик вә гиретсийәдики алтун шәпәқ қатарлиқ партийәләр алаһидә көзгә челиқидикән.
хәвәрдә дейилишичә, русийә йардәм бериватқанлар арисида чехийә җумһурийити, словакийә вә балтиқ дөләтлиридики партийәләрму бар икән. шуңа, йавропа иттипақи рәһбәрлири русийәгә қаритилған ембарголарни техиму еғирлаштурушни тәләп қилидикән.
