түркийәниң туғма токлуқ, әқлий иқтидарлиқ тунҗи йәрлик аптомобили <TOGG> йолларда
түркийәниң йәрлик аптомобили ниң ишләпчиқириш базиси болған бурса гәмликтики завути җумһур рәис рәҗәп таййип әрдоған тәрипидин ечилди.
түркийә авази радийоси хәвири: түркийәниң йәрлик аптомобили <TOGG> җумһур рәис әрдоғанниң иштирак қилиши билән түркийә җумһурийити қурулғанлиқиниң 99 - йиллиқи мунасивити билән рәсмий пүтүп йолға чиқти.
<TOGG> ниң бурса гәмликтики завути нурғунлиған йәрлик вә чәтәллик меһманларни қарши алди.
бурсаниң гәмлик нәһийәсидики мурасимға қатнашқан иштиракчилар 1961 – йили түркийәниң 4 – җумһур рәиси җәмал гурсәлниң йолйоруқи билән ишләпчиқирилған вә түркийәниң тунҗи йәрлик аптомобили болған <Devrim> маркилиқ аптомобил билән биргә «TOGG» ниң дала вә пикап моделлириниң көргәзмә қилинғанлиқини зор қизиқиш билән көрди.
йил ахиридин бурун роботлар арқилиқ түркүмләп ишләпчиқиришни башлайдиған завутта, 2030 - йилғичә бирла базидин 5 хил охшимиған моделда җәмий 1 милйон аптомобил ишләпчиқириш пиланланмақта.
«TOGG» ширкитиниң ниң йуқири дәриҗилик башқурғучиси гурҗан қарақаш ечилиштин илгири елан қилған байанатида, «төт йерим йиллиқ тиришчанлиқимизниң ахириға йетип кәлгәнликимиздин хушалмиз. дунйа миқйасида риқабәткә тәййармиз» деди.
2023-йилиниң биринчи пәслидә түркийәниң туғма токлуқ, әқлий иқтидарлиқ йәрлик аптомобили <TOGG> ниң <C SUV> дала машиниши модели базарға селиниду.
түркийәниң әқлий иқтидарлиқ аптомобили «TOGG», «анадолу», «гәмлик» , «олту» , «кула», «кападокйа» вә «памуққәлә» намлиқ түркийәниң рәңлири билән йолларда болиду.
