чавушоғлу йавропадики түркләрниң пуқралиқ салаһийитигә еришишииниң муһимлиқини тәкитлиди
ташқи ишлар министири мәвлут чавушоғлу йавропадики түркләрниң пуқралиқ салаһийитигә еришиши вә сайлиғучилар сүпитидә тизимлитишиниң муһимлиқини ейтти.
түркийә авази радийоси хәвири: ташқи ишлар министири мәвлут чавушоғлу йавропа кеңиши парламент мәҗлиси башлиқлири йиғиниға қатнишиш үчүн страсбургқа йетип барди вә түркийә консулханисида түркийә пуқралири билән бир йәргә җәм болди.
чавушоғлу чәт әлләрдә йашайдиған түркләрниң техиму көп тәшкилатлиниши керәкликини билдүрүп, «түркийә асаслиқ тема болғанда, биз бу иттипақлиқимизни техиму көп намайан қилишимиз керәк. әрменийә дийаспораси дөлитимизгә қарита төһмәт һәрикити үчүн наһайити үнүмлүк хизмәтләрни башлиди. бизму йавропадики бу тәшкилатлинишимизни күчәйтиш үчүн қолимиздин келидиған пүтүн тиришчанлиқиларни көрситишимиз лазим. фирансийәдә йашаватқан 800 миң пуқрайимиз билән сийасәттә техиму үнүмлүк һалға келәләймиз. әпсуски бу йәрдиму бир әрменийә дийаспораси бар, бу әрменийә дийаспорасиниң бир қисми йахши нийәттә әмәс. улар түркийә билән әрменийә вә әрменийә билән әзәрбәйҗан оттурисидики нормаллишишқиму қарши чиқмақта. йахши мунасивәт орнитишқа қарши дүшмәнләрчә позитсийәдә болуватқан бир дийаспора һәққидә сөз қиливатимиз. силәрниңму бу дийаспораға қарши техиму тәшкиллик һалда аваз йаңритишиңларни үмид қилимиз» деди.
чавушоғлу йавропадики түркләрниң пуқралиқ салаһийитигә еришиши вә сайлиғучилар сүпитидә тизимлитишиниң муһимлиқини тәкитлиди.
