«разони» йүк парахоти истанбул боғузиға ләңгәр ташлиди

түркийә авази радийоси хәвири:дунйа ашлиқ киризисини һәл қилишқа йардәмчи болуш мәқситидә, түркийә, русийә, украина вә б д т арисида 22-ийул (2022) имзаланған «ашлиқ йөткәш келишими» рамкисида, одеса портидин йолға чиққан қонақ бесилған «разони» йүк парахоти түнүгүн кәчтә (2-авғуст) истанбул боғузиниң қарадеңиз кириш нуқтисиға ләңгәр ташлиди.

түркийә, русийә, украина вә б д т вәкиллиридин тәшкилләнгән бир һәйәт «разони» йүк парахотини тәкшүриду. тәкшүрүш нәтиҗисигә асасән, парахотниң йолини давамлаштуруп-давамлаштурмаслиқи қарар қилиниду.

«ашлиқ йөткәш келишими» гә асасән йолға чиққан биринчи парахотниң арқисидин башқа парахотларниңму бәлгиләнгән каридор вә пиринсиплар бойичә йолға чиқиши пилан қилинмақта.