әрдоған: тинчлиқ үчүн мурәссәчилик ролини җари қилдурушимиз мумкин

түркийә авази радийоси хәвири: әрдоған, истанбулда күнтәртипкә мунасивәтлик мәсилиләр һәққидә бәргән байанатида, мундақ деди: «(русийә – украина оттурисидики сүркилиш) ишғалийәткә қарап йүзләнгән һәр қандақ бир өзгиришкә айлинип кәткән, йаки уруш партилиған тәқдирдә, бу, районниң тинчлиқи үчүн интайин еғир ақивәтләрни елип келиду. дәрвәқә, бу әһвал, районни еғир дәриҗидә паракәндичиликкә салғинидәк, 40 милйонға йеқин нопусқа игә украина вә русийәдә қалаймиқанчилиқниң йүз беришини кәлтүрүп чиқириду, биз түркийә болуш сүпитимиз билән бундақ әһвалниң йүз беришини қобул қилмаймиз. түркийәниң русийә билән болған дипломатик мунасивити наһайити йахши, бу даиридә, һәрбий, мәдәнийәт чиқиш нуқта қилинған барлиқ мәсилиләрдә түркийә – русийә мунасивәтлири барғансери тәрәққий қилмақта, украина биләнму шундақ. бу иҗабий өзгиришләрниң русийә билән украина оттурисида сәлбийликкә айлинип қелишини қобул қилалмаймиз.»

русийә билән украина оттурисида тинчлиқ орнитилиши үчүн  зөрүр тепилғанда түркийәниң мурәссәчилик ролини җари қилдуридиғанлиқини әскәрткән әрдоған, мундақ дәп көрсәтти: «мән бу мәсилидә бизниң зиммимизгә йүкләнгән вәзипимизни қандақ болушидин қәтийнәзәр ада қилишқа тәййар икәнликимизни аллиқачан байан қилғанидим. һазир мениң алдимда украина зийарити бар. бу җәрйанда, бәлким (русийә президенти виладимир) путин әпәндим билән телефонда  көрүшүшүм, вәйаки москвада зийарәттә болушум мумкин. биз районда тинчлиқ орнитилишини халаймиз, зиммимизгә йүкләнгән вәзипимизни ада қилишқиму һәр даим тәййармиз.»