түркийә американиң муһим һәйитини күтүвалиду

түркийә авази радийоси хәвири:  бүгүн американиң муһим һәйити пайтәхт әнқәрәгә келиду. америка һәйитиниң әнқәрәдики учришишлири икки күн давамлишиду. бу җәрйанда, америка әскәрлириниң сүрийәдин чекинишиға мунасивәтлик вақит җәдвели билән террорлуқ тәшкилати даешқа қарши елип берилидиған күрәш мәсилиси музакирә қилиниду.

түркийә тәрәп учришишларда түркийәниң «қизил сизиқ» лирини америка һәйитигә йәткүзиду. американиң сүрийәдин чекинишиниң, бөлгүнчи террорлуқ тәшкилати й п г|п к к ға вә террорлуқ тәшкилати даешқа бошлуқ йаритип бәрмәслики керәклики тәкитлиниду. американиң бөлгүнчи террорлуқ тәшкилати й п г|п к к ға бәргән қоралларму икки тәрәп учришишлиридики йәнә бир күнтәртип маддиси болиду. әнқәрә қоралларниң балдуррақ топлиниши керәкликини тәкитләйду.

учришишларда, түркийә армийәсиниң сүрийә земини ичидә һәрикәт қилидиған нуқтилири, һава тәвәликидин пайдилиниш, бирләшмә қисимниң һава йардими қатарлиқ мәсилиләрму музакирә қилиниду. мунбич мәсилисидә болса, бөлгүнчи террорлуқ тәшкилати й п г|п к к ниң райондин чекинишигә вә бихәтәрликниң капаләткә игә қилинишиға алдин әһмийәт берилип, мәсилиләрни һәл қилиш пиланниң иҗра қилиниши керәклики тоғрисида сигнал берилиду.