мунбич пиланида кәйнигә тартиш тактикисидин ваз кечиш керәк

түркийә авази радийоси хәвири: җумһур рәислик сарийи байанатчиси ибраһим калин җумһур рәис рәҗәп таййип әрдоған башчилиқида чақирилған кабент йиғинидин кейин, мухбирларниң соаллириға җаваб бәрди.

у: «мунбичниң нөвәттики вәзийити қандақ?» дегән соалға җаваб берип, америка билән ишларниң 90 күнлүк һәрикәт пилани бойичә елип берилишида пикир бирлики һасил қилинғанлиқини билдүрди.

ибраһим калин бу мәсилидә «голлаш тактикилири» ниң қоллинилғанлиқини әпсуслинарлиқ ичидә көргәнликлирини әскәртип: «биз һәр дәриҗилик учришишларда америкалиқ мәнсәпдашлиримизға бу голлаш тактикилиридин ваз кечишни вә мунбич мәсилисини һәрикәт пилани бойичә әмәлгә ашурушни дәп кәлдуқ. әслидә тәлим-тәрбийә ишлири, андин чарлаш қисимлириға тәлим-тәрбийә бериш, ундин кейин, бирликтә ортақ чарлаш басқучлири аллибурун ахирлишиши керәк иди» деди.

у йәнә мундақ деди:

«дегинимдәк, ундақ йаки мундақ сәвәбләр түпәйли бекитилгән вақит даим кечиктүрүлди. биз әмди буниң тохтитилишини тәләп қилимиз. мундақчә ейтқанда, у йәрдә террорлуқ тәшкилатиға қарши ортақ бихәтәрлик тәдбирлирини йолға қойидиған болсақ, бирликтә ортақ чарлишимиз вә районни бихәтәрлик астиға елип, мунбичлиқларниң өз йуртлириға балдуррақ қайтишини капаләт астиға елишимиз керәк. булар ортақ мәқситимиз һесаблиниду. ундақ болса, буни балдуррақ әмәлгә ашурайли, биз үчүн ейтқанда, буниңдин техиму кечиктүрүшниң чүшәндүргили болидиған бир тәрипи йоқ. шуңа, бу бизниң үмидимиз. мунасивәтлик органлиримиз, дөләт мудапиә министирлиқимиз, болупму мәзкур мәсилигә мунасивәтлик барлиқ тәрәпләр һәр күни көрүшүватиду, бирақ кәйнигә тартиш тактикиси барғансери чоңийип мәсилигә айлинишқа башлиди. бу йәрдин қайта-қайта шуни демәкчимәнки, һәр сәвийәдә мунбич һәрикәт пилани балдуррақ әмәлгә ашурулуши керәк.»