әрдоған бүгүн америкиға қарап йолға чиқиду

түркийә авази радийоси хәвири: әрдоған, 23 – сентәбирдин 27 – сентәбиргичә давамлишидиған чәт әл зийарити җәрйанида, б д т йиғини башлиништин илгири, 24 – сентәбир дүшәнбә күни «дунйа мусапирлар келишими йуқири дәриҗиликләр йиғини» ға иштирак қилип, түркийәниң сүрийәлик мусапирларға қилған хизмәтлирини байан қилиду вә дунйаға «түркийәгә йардәмчи болуңлар» дегән сигнални бериду.

әрдоған йәнә нйу йоркта б д т  баш катипи антонио гутеррес биләнму көрүшиду. у, һәм баш катипқа һәм көрүшидиған башқа әмәлдарларға 17 – сентәбирдә русийәниң сочи шәһиридә һасил қилинған идлиб келишими тоғрисида мәлумат бериду.

бу даиридә, дөлитимиз ташқи ишлар министири мәвлүт чавушоғлуму русийә вә иран ташқи ишлар министирлири билән көрүшиду.

түркийә, америка қошма иштатлириниң бөлгүнчи террорлуқ тәшкилати п к к ниң сүрийә гумаштиси п й д / й п г ға қорал йардими қилишидин биарам болмақта.

җумһур рәис әрдоған, түркийәниң бу җәһәттики наразилиқини көрүшидиған рәһбәрләргә йәткүзиду.

әрдоған нйу йоркта америкилиқ сода вә селинма саһәсиниң вәкиллири билән көрүшүп, уларни «түркийәгә мәбләғ селиш» қа чақириду. 26 – сентәбир чаршәнбә күни нйу йорктин германийәниң пайтәхти берлинға бариду.