әрдоған сочида путин билән көрүшиду

түркийә авази радийоси хәвири: җумһур рәис рәҗәп таййип әрдоған русийәниң сочи шәһиридә русийә пирезиденти виладимир путин билән учришип, сүрийәниң идлиб райониға алақидар әң йеңи әһваллар тоғрисида сөзлишиду.

әрдоған билән путинниң учришишида идлибқа қилинғуси бир һуҗум пәйда қилидиған көчүш долқуни, райондики түркийә әскәрлириниң бихәтәрлики, сийасий чарә тепиш йолидики тиришчанлиқлар дегәндәк мәсилиләрниң музакирә қилиниши күтүлмәктә.

учришишта йәнә, райондики әң йеңи өзгиришләрдин сирт иқтисад вә енергийә алақидар мәсилиләрму муһакимә қилиниду.

бу, 26 – сентәбирдә б д т  хәвпсизлик кеңишидә өткүзүлидиған сүрийәгә алақидар йиғиндин илгирики наһайити муһим учришиш болуп һесаблиниду.

әрдоған путин билән ахирқи қетимлиқ үч тәрәп башлиқлар йиғинидин илгири – 7 – сентәбирдә иранниң пайтәхти теһранда айрим учришиш өткүзгәниди.