түркийә чеградики қисимларниң арқа сепини күчәйтишни давамлаштурмақта

түркийә авази радийоси хәвири: түркийә армийәсиниң сүрийә чеграсидики қисимларниң арқа сепини күчәйтиш мәқситидә әвәтилгән шрапнел атидиған зәмбирәк, бироневик, танка вә офитсерлар түнүгүн хатайға йетип барди.

шрапнел атидиған зәмбирәк, бироневик, танка вә офитсерлардин тәшкил тапқан һәрбий аптомобиллар хатайниң һасса наһийәсидин өтүп, күчлүк бихәтәрлик тәдбирлири астида қириқханға қарап йолға чиқти؛ у йәрдин сүрийә чеграсиға йолға селинди.

хәвпсизлик тәдбирлири астида илгириләватқан һәрбий лазимәтликләр билән әскәрләрниң чеградики қисимларниң арқа сепини күчәйтиш мәқситидә йолға селинғанлиқи қәйт қилинди.