мәвлүт чавушоғлу исраилийәниң хәлқара сотта сотлинишини тәләп қилди
ташқи ишлар министири мәвлүт чавушоғлу исраилийәниң ғәззәдә елип барған қәтлиамлири сәвәбидин хәлқара сотта сотлиниши керәкилики һәққидә тәклип сунди.
түркийә авази радийоси хәвири: ташқи ишлар министири мәвлүт чавушоғлу түркийә радийо – телевизийә идариси т р т дә, күнтәртипки мәсилиләр үстидә тохталди.
мәвлүт чавушоғлу америка әлчиханисиниң 14 – майда теләвивдин қуддусқа йөткилишидин кейин ғәззәдә йү бәргән вәқәләр үстидә тохтилип, һәммәйләнниң америкиға вә исраилийәгә күчлүк бир җавап қайтуруши керәкликини билдүрди.
мәвлүт чавушоғлу: «исраилийәниң ғәззәдә елип барған қирғинчилиқлирини хәлқара җинайи ишлар сот мәһкимисигә сунуш лазим» деди.
исраилийә әскәрлири америкиниң қуддуста әлчихана ечишиға наразилиқ билдүрүш үчүн ғәззә чегарисида намайиш қилғанлардин 62 пәләстинликни шәһит қилған вә 3000 дин артуқ пәләстинликни йаридар қилған иди.
түркийә исраилийәниң пәләстинликләргә қилған һуҗумлириға наразилиқ билдүрүп, һайатидин айрилған пәләстинликләр үчүн 3 күнлүк матәм елан қилған иди.
