әрдоған натоға болған наразилиқини байбурттиму тилға алди

җумһур рәис рәҗәп таййип әрдоған норвегийәдики нато маниверида йүз бәргән шәрмәндичиликкә наразилиқини давамлаштурди.

адаләт вә тәрәққийат партийәси 6 – нөвәтлик байбурт вилайәтлик қорултайида сөз қилип, «натониң маниверида җумһурийитимизниң қурғучиси ататүрк билән мән һуҗум нишани қилиндуқ. бир еғир шәрмәндичиликни оттуриға қойушқан болди. әмди һәммимиз шуни обдан билимизки, бу шәхс мәсилиси әмәс, бәлки түркийә вә түркийә хәлқини һуҗум нишани қилиш мәсилисидур. буниңдин кейин хәлқаралиқ тәшкилатлар билән пәқәтла қаравуллуқ қилип йүрийдиған түркийә болмайду. бизни 1980 – вә 1990 – йиллардики түркийәгә охшитип йүргәнләр еғир хаталашқанлиқини билип қалиду» деди.

җумһур рәис рәҗәп таййип әрдоған йәнә, түркийәниң җумһурийәт байлиқидин  қәтий ваз кәчмәйдиғанлиқини ейтти.