05.03.2024

түркийә авази радийоси: «йеңи шәпәқ гезити», җумһур рәис рәҗәп таййип әрдоғанниң кабент йиғинидин кейин, муһим байанатларни елан қилғанлиқини хәвәр қилди.

хәвәрдә, рәҗәп таййип әрдоғанниң түркийә чеграсиниң бешида «террористан» қурулушиға рухсәт қилмайдиғанлиқлирини тәкитләп, «ирақ тәрәптики чегралиримизни бихәтәрликкә игә қилидиған чәмбәрни тамамлаш алдида туруватимиз. бу  йаз (2024) ирақ тәрәптики чегралиримизға мунасивәтлик мәсилиләрни һәл қилған болимиз» дегәнлики қәйт қилинди.

«һөррийәт гезити», дөләт мудапиә министири йашар гүләрниң террорлуққа қарши күрәшниң қәтий давамлишидиғанлиқини ейтқанлиқини хәвәр қилди.

хәвәрдә, йашар гүләрниң, «террорлуқ тәшкилатиниң һәрикәт иқтидарини пүтүнләй йоқ қилиш үчүн көзимиз көрмигән, путимиз дәссимигән җай қалмайду» дегәнлики билдүрүлди.

 «стар гезити», байкар ширкити баш мудири халуқ байрактарниң «TB2» учқулириниң албанийә армийәсигә сәпләп берилгәнликини билдүрүп, «буниң билән, албанийә армийәсиниң тәркибигә тунҗи қетим нато өлчимидә бир һава аппарати қетилған болди» дегәнлики әскәртилди.

«хәбәр түрк гезити», бу йил (2024) йазлиқ дәм елиш үчүн германийәликләр әң көп алдин тизимлатқан 10 дөләт арисида, түркийәниң испанийәни арқида қалдуруп биринчи орунға өткәнликини хәвәр қилди.