23/09/2014

түркийә авази радийоси: «‹акшам› гезити» ниң «ирақ - шам ислам дөлитигә қарши тәңпуң район» сәрләвһилик хәвиридә төвәндики ибариләргә орун аҗратти: «җумһур рәис сүпити билән тунҗи қетим америкиға барған рәҗәп таййип әрдоған, б д т омумий кеңишидә дунйа рәһбәрлиригә «террор» ниң немә икәнликини аңлитиду. әрдоғанниң сомкисидики әң муһим мәсилә, ирақ - шам ислам дөлитигә қарши тәңпуң район бәрпа қилиш. әрдоған бүгүн б д т келимат йиғиниға баш катип бан кимунниң хусусий меһмини сүпитидә иштирак қилиду, арқидин ‹мәмликәтлик һәрикәт вә нишан уқтурушлири› темилиқ йиғинда сөз қилиду. бәзи дөләт йаки һөкүмәт башлиқлири билән айрим учришишларни өткүзидиған җумһур рәис әрдоған, кәч тәрәптә америка пирезиденти барак обама вә рәпиқиси тәрипидин меһман рәһбәрләр вә уларниң рәпиқилириниң шәрипигә беридиған зийапитигә иштирак қилиду.»

«‹миллийәт› гезити», «сағлам болсун, һәмйан толсун» сәрләвһилик хәвиридә төвәндики җүмлиләргә орун аҗратти: «түркийә гойаки йавропа билән оттура шәрқниң саламәтлик мәркизигә айланди... 500 миңға йеқин ‹сағламлиқ сайаһәтчиси› ни җәлп қилиш арқилиқ икки йерим милйард долларни һәмйаниға салған түркийәдә дәсләпки нишанниң 2 милйон чәт әллик бимар җәлп қилип, 20 милйард доллар кирим киргүзүш. түркийә сайаһәт агентлиқлири иттипақиниң әң йеңи доклатиға көрә, 2013- йили түркийәгә кәлгән ‹саламәтлик сайаһити› үчүн кәлгәнләрниң сани гүзәллик оператсийәси қилдурғучиларни қошқан 480 миңға йәтти. бимарларниң тәхминән йәттидин бири көз кесәлликлирини давалитиш үчүн түркийәгә келиду. өсмә кесәлликлириму алдинқи қатардин орун алиду.»

«‹радикал› гезити» ниң интернет сәһиписидә орун алған «истанбулда ‹токлуқ аптобус› дәвриниң башлиниши йеқинлашти» сәрләвһилик хәвәрдә мунулар қәйт қилинди: «истанбул ток, тирамвай вә тонел башқуруш идариси (İETT) баш мудири мүмин каһвәҗи, истанбуллуқларни токлуқ аммивий қатнаш вастилири билән йөткәшни башлайдиғанлиқлирини әскәртип, 2019- йили аммивий қатнашниң %25 ини токлуқ, %30 ини тәбиий газлиқ һаләткә кәлтүрүшни пиланлиғанлиқлирини билдүрди.»

«‹сабаһ› гезити», «дунйа түрк дохтур һәққидә ғулғула қилмақта» сәрләвһилик хәвиридә төвәндики учурларға орун аҗратти: «тургут өзал университети дохтурханиси вирачлиридин өндәр сүргит, 68 йашлиқ бир бимарниң қорсиқидин ачқан төшүк арқилиқ балийатқуни елиш, капсулларни елиш, уруқданни елиш, сүйдүк туталмаслиқ вә сүйдүк халитиси оператсийәси қатарлиқ оператсийәләрни қилди. сүргитниң оператсийәси ‹айаллар кесәлликлири илми архипи вә туғут› намлиқ тибабәт журнилида ‹дунйада тунҗи қетимлиқ иш› дегән сәрләвһә астида елан қилинди.»