түркийә мәтбуатлирида бүгүн 15.06.2014

һүррийәт гезити «ирақ қисимлири хәвәр бәрмәйла чекингән» сәрләвһилик хәвиридә, дөлитимиз муавин ташқи ишлар министири наҗи коруниң ирақ шам ислам дөлити тәшкилатиниң 10-ийунда түркийәниң мусулда турушлуқ консолханисини ишғал қилип, консохана хадимлирини гөрүгә еливелишидин кейин әһвалдин вақипландуруш йиғини өткүзгәнликини қәйт қилди. хәвәрдә қәйт қилинишичә, 10-ийунда ирақ шам ислам дөлити мусулни қолға киргүзүвалди, әнқәрә болса вәзийәтни йеқин көзитип кәлди, әнқәрә консолхана хадимлириға һөҗҗәтләрни йоқ қилип, дәрһал түркийәгә қайтип келишкә йолйуруқ бәрди. бирақ вәзийәт әнқәрәниң тәхмин қилиниғинидәк болмиди, ирақ һакимийити консолханиға хәвәр бәрмайла қошунлирини мусулмандин чекиндүргән. сақчилар вә ирақ әскәрлири мусулни ташлап кәткәчкә түрк консолханиси муһапизәтчисиз қалди. консул өзтүрк йилмаз мундақ дегән: «биз йардәмгә еришмәй туруп, консолханидин чиқип кетәлмәймиз. бина сирттин техиму бихәтәр.»
йеңи шәпәқ гезити «пул-муамилә ишлирини банкиларниң идарә қилиши хата» сәрләвһилик хәвиридә, пул-муамилә саһәсиниң 90%ни банкиларниң башқуруп келиватқанлиқини ейтқан дөлитимиз малийә-ишлири министири мәһмәт шимшәкниң бу ишниң интайин хата икәнликини ейтқанлиқини билдүрди. хәвәрдә пул-муамилә кирзисидин кейин банкичилиқ вә тәптиш хизмәтлириниң әһмийитини тәкитлигән мәһмәт шимәшәкниң мундақ дегәнлики нәқил кәлтүрүлди: «буларни вуҗудқа чиқириш үчүн күчлүк вә мөтидил болушиқа тоғра келиду.». хәвәрдә йәнә мәһмәт шимшәкниң түрк ширкәтлириниң селинма базарлириға киришлириниң асан болуши керәкликини ейтқанлиқи қәйт қилинди.
акшам гезити «җәсур дублор белло истанбулни тәвритиду» сәрләвһилик хәвиридә, «асийа вә йавропани туташтуридиған мислисиз гүзәл истанбулда консерт бәрмәй өлүп кәтсәм арман ичидә қалимән» дегән дублор белло, истанбул боғузини йеқиндин көрүш үчүн мәшһур рижоссор нейил мандит билән истанбулға келидиғанлиқини оқурмәнлири билән ортақлашти. гезит дублор белло өткүзүшни пиланлиған һайаҗанлиқ консерт билән пүткүл дунйаниң нәзири истанбулда болидиғанлиқини қәйт қилди.
радикал гезити «ташливетилгән батарийәни йиғқан мәктәпләргә мукапат» сәрләвһилик хәвиридә, бурдур шәһәрлик һөкүмити башчилиқида уйуштурулған мәктәпләрара ташливетилгән батарийәни йиғиш сәпәрвәрлик паалийитидә әң көп батарийә йиғққан мәктәпләргә мукапат тарқитип берилгәнликини йазди. хәвәрдә мәктәп мәсуллириға мукапатларни бурдур шәһәрлик һөкүмәт башлиқи әли оркун әрҗәнгизниң тарқитип бәргәнлики билдүрүлди. гезит шәһәрлик һөкүмәт башлиқи әрҗәнгизниң бир батарийәниң 600миң куп метир суни булғайдиғанлиқи, 4 куп метир топини 15 йилғичә ишләткили болмайдиған һалға кәлтүрүп қойидиғанлиқини ейтқанлиқи билдүрүлди.