өзбекистанда җамәләр толуп ташти
өзбекистандики 2000дин артуқ җамәдә қурбан һейт намизи ада қилинди.
түркийә авази радийоси хәвири: өзбекистанда қурбан һейт мунасивити билән мәмликәтлик миқийасидики барлиқ җамә вә мәсҗитләрдә қурбан һейт намизи ада қилинди.
пайтәхт ташкәнттә миңларчә адәм қурбан һейт намизи үчүн таң сәһәрдила җамәләргә сәлдәк ақти. бәзиләр җамәләрдә йәр қалмиғачқа кочиларда намаз қилди. җамәләр җайлашқан коча вә йоллар қатнашқа тосуветилгәндин сирт, бихәтәрлик тәдбирлири елинди.
өзбекистан хәвәр агентлиқи мәмликәт миқийасидики 2000дин артуқ җамәдә 15 милйондин артуқ мусулманниң қурбан һейт намизини ада қилғанлиқини билдүрди.
«осман сәһиписи»нами билән аталған вә үстидә һәзирити османниң қени төкүлгән бөкән тирисигә йезилған қурани кәрим сақлиниватқан ташкәнттики һәзирити имам җамәсидики қурбан һейт хутбисини, өзбекистан мусулманлири дини ишлар идариси башлиқи османхан алимов оқиди.
намаз түгигәндин кейин өзбекистанниң тәрәққийати, аманлиқи вә пүткүл дунйада тинчлиқ вә муқимлиқниң бәрпа қилиниши үчүн дуа қилинди. намаздин кейин мусулманлар өз-ара саламлашти, җамәдин йанғанлар соғатлиқ үчүн җамә әтрапидики йаймикәшләрдин содилиқ қилди.
қурбан һейт намизидин кейин өзбекистан мусулманлири дини ишлар идарисини зийарәт қилишқа кәлгән башқа динләрниң вәкиллири мусулманларниң қурбан һейтини тәбрикләшти.
مۇناسىۋەتلىك خەۋەرلەر
әзәрбәйҗан – әрменийә тинчлиқ сөһбити башланди
әзәрбәйҗан билән әрменийә оттурисидики тинчлиқ сөһбити қазақистанниң алмата шәһиридә башланди.
әзәрбәйҗан баш министири түркийәдә зийарәттә болмақта
әзәрбәйҗан баш министири әли әсәдоф түркийәдә дөләт ишлири зийаритидә болмақта.
