әл ибади: «кәркүктә аваз беләтлириниң оғрилиниши җинайәт»
ирақ баш министири һәйдәр әл ибади һәптилик ахбарат елан қилиш йиғинида, 12 – майда елип берилған омумий сайламға даир «һелә ишлитилди, гуманлиқ» дегән қарашлар вә даешқа қарши күрәш үстидә тохталди.
түркийә авази радийоси хәвири: ирақ баш министири һәйдәр әл ибади кәркүктә аваз беләтлириниң оғрилинишиниң җинайәт икәнликини вә буни қилғанларниң чоқум җазаға тартилидиғанлиқини ейтти.
әл ибади һәптилик ахбарат елан қилиш йиғинида 12 – майда елип берилған омумий сайламға даир «һелә ишлитилди, гуманлиқ» дегән қарашлар үстидә тохталди.
кәркүктә аваз беләтлириниң оғрилинишиға сүкүт қилип туралмайдиғанлиқини тәкитлигән ибади «кәркүктә қол билән саналған аваз билити нәтиҗилири мәйли немә болушидин қәтий нәзәр, аваз белити оғрилиғанларни қәтий әпу қилмаймиз. уларни ениқлап чоқум җазаға тартимиз. сайлиғучиларниң аваз белитини оғрилаш җинайәттур» деди.
ибади ирақта террорлуқ тәшкилати даешқа қарши чәт әллик һәрбий мәслиһәтчиләрниң хизмәтлирини давамлаштуридиған йаки давамлаштурмайдиғанлиқи һәққидики соалға җаваб берип мундақ деди:
«чәт әллик һәрбий мәслиһәтчиләрниң сани мусул һәрикити җәрйанида әң йуқири пәллигә чиққан иди. ирақта даешни тазилиғандин кейин һәрбий мәслиһәтчиләрниң санини азайтишқа башлидуқ. қалғанларниң асаслиқ көп қисмини сүрийәдики даешқа қарши күрәштә ишлитиватимиз. даешни сүрийәдә йеңиш тиришчанлиқимиз вә нишанимиз муһим. райондики терроризмға хатимә бериш үчүн хәлқара җамаәтчиликниң қоллап – қуввәтлишигә тайинишни давамлаштуримиз»
مۇناسىۋەتلىك خەۋەرلەر
әзәрбәйҗанда 5.2 бал йәр тәвриди
әзәрбәйҗан йәр тәврәш мулазимәт мәркизи йәр тәврәш һәққидә байанат елан қилди.
әзәрбәйҗан – әрменийә тинчлиқ сөһбити башланди
әзәрбәйҗан билән әрменийә оттурисидики тинчлиқ сөһбити қазақистанниң алмата шәһиридә башланди.