өзбекистан виза түзүмигә күчлүк өзгәртиш киргүзди

өзбекистан сайаһәтчиликни гүлләндүрүш йолидики хизмәтләр даирисидә 101 дөләт пуқрасиға 5 күнлүк визисиз сайаһәт қилиш имканийити йаритип бәрди.

өзбекистан виза түзүмигә күчлүк өзгәртиш киргүзди

түркийә авази радийоси хәвири: өзбекистан пирезиденти шәвкәт мирзийайев, «чәт әл пуқралириниң өзбекистанға киришини қолайлаштурушни мәзмун қилған» қарарнамини имзалиниди. қарарнамидә көрситилишичә, 15 – ийулдин башлап өзбекистандики айродурумларға чүшүп үчинчи бир дөләткә кетидиған 101 дөләт пуқрасиға 5 күн бойичә визисиз туруш пурсити йаритип берилидикән.

мәзкур қарарнамидә йәнә, 16 йаштин кичик чәт әл пуқралириға ата – аниси йаки игидарчилик қилғучиларниң һәмралиқида 90 күнгичә визисиз туруш һәққи берилди.

буниңдин кейин чәт әлликләр интернет арқилиқ илтимас сунуп өзбекистан «електронлуқ визиси» ни алалайду.

өзбекистан март ейида түркийә қатарлиқ 7 дөләт пуқрасиға 30 күн бойичә визисиз туруш, 39 дөләт пуқрасиға қолай виза бериш түзүмини йолға қойған,  шуниң билән, пуқралири өзбекистанда визисиз баралайдиған дөләт сани 16 ға, виза қолайлиқи йаритип берилгән дөләт сани 51 гә чиққаниди.

йеқиндин буйанқи сайаһәтчиликни гүлләндүрүш йолида ташланған қәдәмләр сайисида, бу йилниң дәсләпки 5 ейида өзбекистанға барған чәт әллик сайаһәтчи сани өткән йилниң охшаш мәзгилигә селиштурғанда %93 ешип, 2 милйон 200 миңға йәтти.



مۇناسىۋەتلىك خەۋەرلەر