өзбекистанда тунҗи қетим роза һейт мунасивити билән кәчүрүм елан қилинди
өзбекистан пирезиденти шәвкәт мирзийайев, дөләт тарихида тунҗи қетим роза һейт мунасивити билән мәһбусларниң кәчүрүм қилиниши тоғрисида қарарнамә имзалиди.
түркийә авази радийоси хәвири: пирезидент шәвкәт мирзийайев тәрипидин имзаланған кәчүрүм қарарнамисидә көрситилишичә, садир қилған җинайәтлириниң хаталиқини тонуп йетип пушайман қилған 226 мәһбус кәчүрүм қилинидикән.
қарарнамигә асасланғанда, бу даиридә 102 мәһбус шәртсиз, 71 мәһбус шәртлик қойуп берилидикән؛ 39 мәһбусниң қамақ җазаси башқа бир җаза билән алмаштурулуп қойуп берилидикән, 14 мәһбусниң җаза муддити қисқартилидикән؛ кәчүрүм қилинғанлар арисида 40 нәпәр 60 йаштин һалқиғанлар, 39 нәпәр чәт әллик, 37 нәпәр айал, 51 нәпәр қанунсиз тәшкилатларниң әзаси бар икән.
мәзкур қарарнаминиң роһиға асасән, қойуп берилгән мәһбусларниң җәмийәткә маслишиши вә хизмәт қилалиши үчүн, алақидар идарә – органларниң керәклик йардәмләрни қилишиму тәләп қилинған.
өзбекистанда буниңдин илгири мустәқиллиқ вә асасий қанун күнлири мунасивити билән кәчүрүм елан қилинатти.
مۇناسىۋەتلىك خەۋەرلەر
әзәрбәйҗанда 5.2 бал йәр тәвриди
әзәрбәйҗан йәр тәврәш мулазимәт мәркизи йәр тәврәш һәққидә байанат елан қилди.
әзәрбәйҗан – әрменийә тинчлиқ сөһбити башланди
әзәрбәйҗан билән әрменийә оттурисидики тинчлиқ сөһбити қазақистанниң алмата шәһиридә башланди.
