әлийев путинни тәбриклиди

түркийә авази радийоси хәвири: илһам әлийев әзәрбәйҗан пирезидентлиқ мәһкимисиниң интернет сәһиписидә елан қилинған телеграммисида, путинниң сайламда ғәлибә қилишиниң униң күчлүк сийасий нопузға игә икәнликини, сийаситиниң хәлқниң қоллишиға еришкәнликини җәзмләштүргәнликини әскәртти.

әзәрбәйҗан билән русийәниң өтмүши йүз йилларға созулидиған достлуқ вә йахши қошнидарчилиқ мунасивитигә игә икәнликини қәйт қилған әлийев, телеграммисида йәнә, «дөләтлиримиз арисидики мунасивәтләрниң ули күчлүк һаләттә гүллиниши хушаллинарлиқ әһвал. әзәрбәйҗан – русийә арисидики көп тәрәплимилик һәмкарлиқниң раваҗлинишида сизниң хусусий төһпиңизниң ойниған ролини әскәртишни халаймән. әзәрбәйҗан билән русийә арисидики истратегийәлик шерикчиликниң техиму тәрәққий қилиши үчүн бирликтә көрситилидиған тиришчанлиқларниң хәлқлиримиз вә дөләтлиримизниң мәнпәәти, районда тинчлиқ, бихәтәрлик вә тәрәққийатниң капаләт астиға елинишиға буниңдин кейинму һәссә қошидиғанлиқиға ишинимән. һөрмәтлик виладимир виладимирович, сизгә саламәтлик, хушаллиқ вә утуқ тиләймән» дегән ибариләргә орун бәрди.