әзәрбәйҗан армийәси кәң көләмлик һәрбий манивер өткүзиду

түркийә авази радийоси хәвири: дөләт мудапиә министирлиқиниң билдүрүшичә, пирезидент илһам әлийев мақуллиған пиланға асасән 12 – март күни кәң көләмлик һәрбий манивер өткүзүлидикән.

тағлиқ районда өткүзүлидиған вә 25 миң әскәр қатнишидиған һәрбий маниверда вәкил характерлик дүшмән нишанлириға һәрбий һәрикәтләр елип берилидикән һәмдә йеңи қорал – йарағлар синақ қилинидикән.

17 – мартқичә давамлишидиған маниверға 250 танка вә биронивик, миңға йеқин башқурулидиған бомба вә топ системиси, 50 айропилан вә тик учар айропилан, йеңи әвлад радийо – електронлуқ чарлаш васитилири вә учқучисиз һава аппаратлири қатнаштурулидикән.