бай наһийәсидин ғайәт зор байлиқ тепилди

мәлуматларға қариғанда, хитай геологийә техника хадимлириниң 3 йилға йеқин тәкшүрүши нәтиҗисидә уйғур елиниң җәнубиға җайлашқан бай наһийәсидин кәмдин - кәм учрайдиған ғайәт зор қиммәтлик метал тәнталум-нийобийум (tantalum-niobium ores) кан йатмиси байқалған болуп, мөлчәрлинишичә, нйобийум записи 100 миң тоннидин, тәнталум записи 10 миң тоннидин ашидикән, буниңдин башқа, йәнә гафний қатарлиқ наһайити аз учрайдиған қиммәтлик металларму бар икән.

хитай гиологийә-техника мәркизи кан байлиқлири тәтқиқат башқармисиниң башлиқи, алий дәриҗилик инженер шү хәймиң (徐海明) ниң ейтишичә, хитай һазирғичә байқиған, ишләткили болидиған нийобийум записи аран 80 миң тонна икән, бай наһийәсидин тепилған тәнталум-нийобийум записиниң миқдари хитай тәкшүрүп чиққан омумий нийубийум запас миқдаридин артуқ һәмдә алаһидә зор көләм дәриҗисигә йәткән болуп, омумий қиммити 130 милйард йүәндин ашидикән. игилинишичә, мәзкур кан йатмиси бай наһийәсиниң 47 километир шималиға җайлашқан тәңритағниң ичкирисидики бозуғур тағлиқ райониға җайлашқан болуп, деңиз йүзидин егизлики 3860 метирдин 4100 метирғичә келидикән.