ирақ түркмәнлири һәқ - тәләп доклати сунди

түркмәнләр зич олтурақлашқан вә нопусиниң йеримидин көпрәки йеқинқи өзгиришләр түпәйли башқа җайларға көчүп кәткән тузһурматуда түркмәнләр билән райондики пәшмәргәләр бир йәргә җәм болди.

94598
ирақ түркмәнлири һәқ - тәләп доклати сунди

түркийә авази радийоси хәвири: түркмәнләр зич олтурақлашқан вә нопусиниң йеримидин көпрәки йеқинқи өзгиришләр түпәйли башқа җайларға көчүп кәткән тузһурматуда түркмәнләр билән райондики пәшмәргәләр бир йәргә җәм болди.
түркмәнкләр пәшмәргәләргә 10 маддилиқ доклат сунди.
туһзурматуда мәркизи ирақ һөкүмити армийәси билән сақчилириниң чекинишидин кейин районға әвәтилгән 2 пәшмәргә әтрити, сақчиханилар билән қорал - йарағ искилатлирини болаң - талаң қилғаниди.
бу өзгиришләрдин кейин тузһурмату қаймақами, түркмәнләрниң сийасий вәкиллири, пәшмәргә қоманданлири вә һәрқайси партийәләрниң вәкиллирини кәң көләмлик йиғин чақиришқа тәклип қилди.
түркмән һәйити, туһзурматуда мәйданға кәлгән булаңчилиқ вә түрмиләрдики мәһбусларниң қойуп берилишидин пәшмәргәләрниң җавабкар икәнлики әскәртилгән 10 маддилиқ доклат сунди.
доклат, тузһурмату чегрилириниң қоғдилиши, булаңчилиқ вәқәлиригә хатимә берилиши, җавабкарларниң сотқа тартилиши, дөләт хәвпсизлик күчлириниң қайтидин тәшкил қилиниши, дөләт орунлириниң паалийәтлирини давамлаштуруши, башқуруш ишлириниң мувапиқ тәңшилиши қатарлиқларни мәзмун қилиду.
доклат тоғрулуқ күрт тәрипидин елан қилинған байанатта, тәләпләргә һөрмәт қилинидиғанлиқи бирақ тәкшүрүлгәндин кейин җаваб берилидиғанлиқи қәйт қилинди.
бу арилиқта, тузһурматуға йеқин түркмән бастамли йезиси әтрапида, бир гуруппа ирақлиқ қораллиқ сақчиниң ирақ шам ислам дөлити милитанлири билән тоқунушқанлиқи, вәқәдә 5 кишиниң өлгәнлики билдүрүлди.
өлгәнләрдин 3 иниң ирақ шам ислам дөлити әзаси, қалған 2 синиң түркмән икәнлики җакарланди.
ирақ сақчи тәрәпниң билдүрүшичә, 2 түркмән ирақ шам ислам дөлити әзаси дәп қарилип өлтүрүлгән.


خەتكۈچ:

مۇناسىۋەتلىك خەۋەرلەر