әнглийә роналдоға һәм җаза бәрди һәм җәриманә қойди
португалийәлик даңлиқ путболчи киристийано роналдоға апрел ейидики бир мусабиқидин кейин өзини сүрәткә алған бир путбол мәстанисиниң телефониға уруп йәргә чүшүрүвәткәнлики үчүн җаза берилди.
1910417
түркийә авази радийоси хәвири: ингланд путболчилар бирләшмиси, роналдоға икки мәйдан мусабиқидин чәкләш җазаси бәрди вә 50 миң фондстерлиң җәриманә қойди.
роналдониң җазалинишиға сәвәб болған вәқә, апрелдики манчестер бирләшмиси евиртон командисиға 0 гә қарши 1 нәтиҗә билән йеңилип қалғандин кейин йүз бәргәниди.
роналдо кийим алмаштуруш өйигә кетиветип, җәке хардиң исимлик 14 йашлиқ бир балиниң өзини сүрәткә еливатқанлиқини көрүп ғәзәплинип, балиниң телефонини тартивелип йәргә етип, чеқилип кетишигә сәвәб болғаниди.
наразилиқларниң күчийип кетишидин кейин, роналдо өзиниң иҗтимаий таратқудики адресида байанат елан қилип, қилмиши үчүн кәчүрүм сориған вә хардиңни мусабиқисини көрүшкә тәклип қилғаниди.
