америка билән сирбийә һәл қилғуч мусабиқигә чүшиду

түркийә авази радийоси хәвири: 2014-йиллиқ дунйа лоңқиси васкитибол мусабиқиси даирисидә америка васкитбол командиси билән сирбийә васкитбол командиси һәл қилғуч мусабиқигә чүшиду.
мадридта ойнилидиған мусабиқә бүгүн 22:00дә башлиниду. түркийә васкитбол командисиму болған с гурупписида 4 мусабиқидә толуқ номурға еришкән америка васкитбол командиси иккинчи басқучлуқ мусабиқигә кирди. иккинчи басқучта 4 гуруппа бойичә төтинчи болған мексикини 63кә қарши 86 билән нәтиҗә билән йәңгән америка васкитбол командиси, чарәк һәл қилғуч мусабиқидә силовенийәни 76гә қарши 119 нәтиҗә билән, йерим һәл қилғуч мусабиқидә литванийәни 68гә қарши 96 нәтиҗә билән йеңип, һәл қилғуч мусабиқигә қатнишиш пурситигә еришти.
гуруппилар бойичә нәтиҗиси алаһидә гәвдилик болуп келиватқан сирбийә васкитбол командиси гиретсийә васкитбол командисини 72гә қарши 90 нәтиҗә билән, биразилийә васкитбол командисини 56гә қарши 84 нәтиҗә билән, фирансийәни йерим һәл қилғуч мусабиқидә 85гә қарши 90 нәтиҗә билән йеңип, һәл қилғуч мусабиқигә қатнишиш пурситигә еришти.