йапонийә-русийә мунасивити вә ма йүнниң «сода җеңи» тоғрисида ейтқан сөзи

йапонийә һава мудапиә министирлиқи русийәгә тәвә « su-27»типлиқ көп функсийәлик уруш айропилани вә «su-24» типлиқ бомбардиман айропилан билән ениқлаш мумкин болмиған лекин русийәгә тәвә болуш еһтимали йуқири болған бир айропилан болуп җәмий 3 уруш айропиланниң рухсәтсиз һалда йапонийә һава тәвәликигә киргәнликини билдүрүп байанат бәрди.

байанатта бу әһвалға қарита йапонийәниңму уруш айропиланлирини һәрикәткә кәлтүргәнлики билдүрүлди. йапонийәниң русийә айропиланлириниң бу қилмишиниң алдини елиш үчүн қанчә йүрүш айропилан сәпәрвәр қилғанлиқи тоғрисида ениқ мәлумат берилмигән байанатта, русийә айропиланлириниң һонсо арилиниң ғәрбий районида учқанлиқи әскәртилди.

русийә уруш айропиланлириниң йапонийә һава тәвәликигә рухсәтсиз киришини бир дөләтниң игилик һоқуқи вә хәлқара қанун нуқтисидин қандақ чүшинимиз? ақ деңизда һәрбий җәһәттә актип һәрикәт қиливатқан русийә немә үчүн йапонийә һава тәвәликигә уруш айропиланлири әвәтиду?

хитай бойичә һәтта дунйа бойичә електронлуқ сода саһәсидә нопузлуқ ширкәтләрдин болған алибаба гуруһиниң қурғучиси ма йүн, хитай билән америка арисидики сода урушиниң 20 йил давамлишиш еһтималиниң барлиқини, шуңа инсанларниң буниңға идийә җәһәттин тәййарлиқ қилиши керәкликини билдүрди.

ма йүн хаңҗуда чақирилған карханчилар йиғинида сөз қилип дунйа иқтисадиниң йахши әмәсликини вә киризисниң узун мәзгил давамлишидиғанлиқини илгири сүрүп, хитайниң африқа, җәнубий асийа вә йавропани өз ичигә алидиған чағдаш дунйаниң «йипәк йоли» вә експортқа мәркәзлишиши керәкликини әскәртти. у йәнә хитай билән америка арисидики сода уруши түпәйли, алибаба гуруһиниң америкида «1 милйон кишигә иш пурсити йаритиш»тоғрисида бәргән вәдисини орундийалмайдиғанлиқиниму билдүрди.

ма йүнниң хәлқара сода болупму електронлуқ сода саһәсидики нопузини көздә тутқинимизда униң сода уруш тоғрулуқ дегән сөзи немиләрдин дерәк бериду?