пәләстин мәсилиси вә ирқий қирғинчилиқ

доктор әркин әкрәмниң темиға мунасивәтлик анализи

пәләстин мәсилиси вә ирқий қирғинчилиқ

пәләстин мәсилиси вә ирқий қирғинчилиқ

америкиниң тел авивдики әлчиханисини қуддусқа йөткәш қарариға пәләстин хәлқи наразилиқ билдүрүп кәң көләмлик намайиш өткүзди. исраилийә әскәрлири намайиш өткүзгән пәләстинликләрни қанлиқ бастурди, исраилийәниң бу вәһший қәтлиамида 60 дин артуқ пәләстинлик өлди, 2770дин артуқ пәләстинлик йариланди. бу қәтлиамға җумһур рәис рәҗәп таййип әрдоған болуп һөкүмәт вә өктичиләр қаттиқ наразилиқ билдүрди. җумһур рәис рәҗәп таййип әрдоған исраилийәниң бу қәтлиамини ирқий қирғинчилиқ , исраилийәни  болса террор дөлити дәп атиди. исраилийәниң бу вәһший қилмишиға түркийәдә һөкүмәт мәсуллири наразилиқ билдүргәндин сирт, һәр қайси аммиви тәшкилатларму кәң көләмлик намайиш өткүзди. б д т, ислам һәмкарлиқ тәшкилати, әрәб әллири иттипақи вә африқа әллири иттипақи болуп хәлқаралиқ тәшкилатларму исраилийәгә наразилиқ билдүрүп, дәрһал қәтлиамға хатимә беришкә чақирди. лекин исраилийәниң бу қилмишиға наразилиқ билдүрүш уйақта турсун исраилийәни қоллиған дөләтләрму болди. бәзи дөләтләр һечқандақ инкас қайтурмай сүкүт қилип турувалди. исраилийә һөкүмити хәлқараниң наразилиқиға писәнтму қилмай пәләстин хәлқини қирғин қилишни давамлаштурмақта.

бирләшкән дөләтләр тәшкилати, хәлқара җинайий ишлар мәһкимиси, инсан һәқлири тәшкилати, ислам һәмкарлиқ тәшкилати қатарлиқ тәшкилатлар немә үчүн исраилийәниң бу вәһший қилмишиға әмәлий чарә қоллиналмайду? йаки исраилийә немә үчүн хәлқара қанунға зит һалда пәләстинликләрни қирғин қилду? исраилийәниң  пәләстингә қаратқан бу сийаситиниң дини,  тарихий , иқтисадий вә иҗтимаий сәвәблири немә?



مۇناسىۋەتلىك خەۋەرلەر