голландийәдә қуран кәрим тарқитилди
голландийәдә «падишаһ күни» (падишаһниң туғулған күни)» паалийити даирисидә һәрқайси шәһәрләрдә ислам динини тонуштуруш үчүн қуран кәримниң голландийәчә тәрҗимиси тарқитилди.
түркийә авази радийоси хәвири: «мусулманларниң көз қариши фонди җәмийити» гә қарашлиқ «немә үчүн ислам?» бөлүминиң рәһбәрлири вә пидаийлири 15 шәһәрдә «исламға чақириқ» намлиқ паалийәт уйуштурди.
паалийәттә падишаһниң туғулған күнини тәбрикләш үчүн шәһәр мәркизидикиләргә қуран кәримниң голландийәдә тәрҗимиси һәдийә қилинди, ислам һәққидә рисалиләр – тәшвиқат вәрәқәлири тарқитилди һәмдә ислам дини тонуштурулди.
«немә үчүн ислам?» бөлүминиң мәсули бәкир әкинҗи йеқинқи йиллардин буйан голландийәдә инсанларниң ислам диниға болған қизиқишиниң барғансери зорийиватқанлиқини тәкитләп мундақ деди:
«голландийәликләр қуран кәримгә интайин қизиқмақта, көпинчиси чоқум қуран кәрим оқуйдиғанлиқини байан қилмақта. худайим буйруса, бу паалийәтләр арқилиқ нурғун кишиләрниң ислам билән тонушуши йаки ислам диниға киришигә вәсилә болуватимиз.»
