фирансийәдә африн шеһитлири хатириләнди
фирансийәниң мулховс шәһиридә сийасий көз қарашлири бир-биригә охшимайдиған йәттә җәмийәт, сүрийәниң африн районида давамлишиватқан «зәйтун шехи һәрбий һәрикити» дә шеһит болған түркийә әскәрлирини хатирилиди.
түркийә авази радийоси хәвири: йавропа түрк демократлар бирләшмиси (UETD), дийанәт ишлири түрк ислам бирләшмиси (DİTİB), баравәрлик вә адаләт кеңиши (COJEP) тәрипидин тәшкилләнгән вә бу җәмийәтләрниң мулховс, гийубвиллер, сан, саинт луйис қатарлиқ шәһәрләрдики шөбилири африн шеһитлирини хатириләш үчүн паалийәт өткүзди.
паалийәттә, алди билән, қуран кәрим тилавәт қилинди вә шеһитләргә атап дуа қилинди.
паалийәттә сөз қилған адаләт вә тәрәққийат партийәсиниң парламент әзаси һалис далкилич түркийәниң дунйадики барлиқ залимларға қарши чиққан бир аваз икәнликини билдүрүп, мундақ деди:
«барлиқ мәзлум хәлқләргә қучақ ачқан бир мәдәнийәткә вәкиллик қилимиз. дунйаниң қайси йеридә болушидин қәтийнәзәр, миллитимизниң һәр бир әзаси ойғанди вә немигә қарши күрәш қиливатқанлиқимизни билимиз, африндики қериндашлиримизға игә чиқиш һәммимизниң бойнимизниң қәрзи.»
