албанийәликләр «йезиқ күни»мунасивити билән паалийәт өткүзди
македонийәниң ғәрбий җәнубиға җайлашқан манастир шәһиридә албанларниң латиқ йезиқини қобул қилғанлиқиниң 109 йиллиқи мунасивити билән паалийәт өткүзүлди.
түркийә авази радийоси хәвири: албанийәдә муһим байрамлардин һесаблинидиған «йезиқ күни» мунасивити билән македонийәниң ғәрбий җәнубиға җайлашқан манастир шәһиридә паалийәт өткүзүлди.
манастир шәһиридики албан йезиқи музейида өткүзүлгән паалийәткә македонийә муавин баш министирлиридин һазби лика вә буҗар османи, мәдәнийәт ишлири министири роберт алагйозовски, демократийәгә маслишиш уйушмисиниң башлиқи әли әһмәти болуп нурғун санда министир вә рәһбәр иштирак қилди.
демократийәгә маслисиш уйушмисиниң башлиқи әли әһмәти сөз қилип 22-нойабирниң албан миллитигә нисбәтән толиму әһмийәтлик күн һесаблинидиғанлиқини, бу әһмийәтлик күндин башлап албанийәниң мустәқиллиқигә охшаш нурғун муһим өзгиришләрниң вуҗудқа чиққанлиқини вә латин йезиқиниң әмәлийлишишигә күч чиқарғанларниң 109 йил бурун албанийә тарихиға толиму қиммәтлик соғат тәқдим қилғанлиқлирини билдүрди.
македонийә мәдәнийәт ишлири министирлиқи баш катипи валмир азириму «йезиқ күни«мунасивити билән паалийәтләрни уйуштуруш арқилиқ әйни чағда латин йезиқиниң әмәлийлишишигә һәссә қошқанларға қәрзлирини ада қилишқа тиришип келиватқанлиқлирини әскәртти.
паалийәтләр даирисидә муавин баш министирлардин лика билән османиму баш министирлик идарисидә албанийәлик маарипчиларниң шәрипигә зийапәт бәрди.
алдинқи күни йәнә латин йезиқи қобул қилинғанлиқиниң 109йиллиқи мунасвивити билән манастир шәһиридә илмий муһакимә йиғини өткүзүлди, бу йиғинға албанийә пирезиденти илир мәтаму иштирак қилди.
албанийәдә 1908-йили нойабирда чақирилған манастир қурултийида 36 һәрплик латин йезиқи қобул қилинди вә 22-нойабир күни албанийә тәрипидин «йезиқ күни» қилип бекитилди.
