түркийә – әзәрбәйҗан «рәңләрниң қериндашлиқи» көргәзмиси

түркийә авази радийоси хәвири: бакудики йунус әмрә иниститути, түркийәниң баку баш әлчиси мәдәнийәт вә тәшвиқат мәслиһәтчилики башқармиси, измир балчова наһийәси вә әзәрбәйҗан рәссамлар бирлики тәрипидин өткүзүлгән көргәзмигә әзәрбәйҗан даирилири, парламет әзалири, түркийәдики мунасивәтлик органлар вә тәшкилатларниң вәкиллири һәмдә көп санда сәнәтсөйәрләр қатнашти.

көргәзмидә түрк рәссамлардин бәдри қарайағмурлар, мәһмуд дурмуш, рәйһан абаҗиоғлу, фәдән сузан қудсиоғлу, гүндоғду уғраш, хатиҗә айдоған, әзәрбәйҗанлиқ рәссамлардин гүнай мәһдизадә, суғра бағирзадә, адилә әфәнди, алескер казимов, руфар асгаров, азәр ислам, елмар ағамирза, меһрибан мәһдизадә вә фатимә мәвламованиң әсәрлири көргәзмә қилинди.

баку йунус әмрә иниститутиниң мудири ибраһим йилдирим мухбирларни күтүвелиш йиғинида қилған сөзидә, түркийә билән охшаш мәдәнийәттин узуқлинидиған қериндаш дөләт әзәрбәйҗанда ортақ лайиһәләрни ишқа ашуруватқанлиқлирини ейтти.

бу даиридә әзәрбәйҗанлиқ вә түркийәлик рәссамларни учраштурғанлиқлирини әскәрткән йилдирим, тәхминән 45 парчә май бойақ рәсимниң сгнәтсөйәрләр билән йүз көрүшкәнликини қәйт қилди.

әзәрбәйҗан мәдәнийәт вә сайаһәт министирлиқиниң музей мәркизидә ечилған көргәзминиң ечилиши һарписида түркийәниң оера сәнәтчиси ойа әргүн консерт бәрди.

игилинишичә, көргәзмә 21 – өктәбиргичә давамлишидикән.