украинада һәрбий сәпәрвәрлик шәртлири чиңитилди
украина пирезиденти володимир зеленский һәрбий сәпәрвәрлик шәртлирини чиңитиш қанунини тәстиқлиди.
түркийә авази радийоси хәвири: украина парламентиниң тор бетидә, пирезидент зеленскийниң сәпәрвәрлик, һәрбийликкә тизимлитиш вә һәрбийлик хизмитигә мунасивәтлик бәзи мәсилиләрни йахшилаш тоғрисидики йеңи сәпәрвәрлик қанунини тәстиқлиғанлиқи елан қилинди.
мәзкур қанун елан қилинип бир айдин кейин, рәсмий иҗра қилиниду. украина парламенти 11-апрел (2024) һәрбий сәпәрвәрлик шәртлири чиңитилған қанун тәклипини мақуллиған иди.
қанун бойичә, сәпәрвәрликтә 18 йаш билән 60 йаш оттурисидики әрләр һәр вақит һәрбий кенишкисини елип йүрүши керәк. кенишкини һәрбий тизимлаш ишханисиниң вәкили йаки сақчиниң тәлипигә бинаән көрситиши керәк. бу йаш оттурисидики әрләр чегра еғизида йаки чегра районида, чегра қоғдаш хадими тәләп қилған әһвалда һәрбий кенишкисини көрситиши керәк.
чәт әлдә йашаватқан, әмма һәрбий кенишкиси болмиғанлар, йеңи паспорт алалмайду. қанун елан қилинғандин кейин, һәрбий мәҗбурийәт өтәшкә тегишлик кишиләр 60 күн ичидә турушлуқ адресини, алақилишиш номурини вә һәрбий кенишкисини йеңилиши керәк.
60-18 йаш оттурисидики һәрбий мәҗбурийәт өтәйдиған кишиләр, һәрбийликкә тизимлитиш учурлирини йеңилиғандинла украинаниң чәт әлләрдики дипломатик органлириниң мулазимитигә еришәләйду.
