нато иранни әйиблиди
нато «иранниң исираилийәгә һуҗум қилип, оттура шәрқтики җиддий вәзийәтни күчәйтивәткәнлики» ни әйиблиди вә иранни салмақ болушқа чақирди.
түркийә авази радийоси хәвири: нато байанатчиси дахаллаһ екс (X) адресида байанат елан қилип, «иттипақниң иранниң 13-апрел кечидә җиддий вәзийәтни күчәйтивәткәнликини әйиблигәнликини вә салмақ болушқа чақирғанлиқи» билдүрди.
у натониң өзгиришләрни йеқиндин көзитиватқанлиқини әскәртип: «оттура шәрқтики тоқунушларниң контроллуқтин чиқип кәтмәслики һайатий әһмийәткә игә» деди.
исираилийә 1-апрел (2024) иранниң сүрийә пайтәхти дәмәшиқтики әлчихана бинасини бомбардиман қилип, йәттә иранлиқни өлтүргән иди. буларниң ичидә иран инқилабий муһапизәтчиләр қисминиң икки генерали бар иди.
иран буниң дөләт земиниға һуҗум қилғанлиқ болидиғанлиқини вә өч алидиғанлиқини елан қилған иди. исираилийә болса, иранниң һуҗумлириға җаваб қайтуридиғанлиқини билдүргән иди.
иран 13-апрел кечидә исираилийәгә қаритип йүзләрчә учқу вә онларчә башқурулидиған бомба қойуп бәрди. нәтиҗидә, исираилийәниң бәзи һәрбий базилириға башқурулидиған бомба чүшкәнлики қәйт қилинди.
исираилийә учқу вә башқурулидиған бомбиларниң көпинчисиниң һава қалқан системиси тәрипидин тосувелинғанлиқини, җәнубтики һәрбий базиға бир башқурулидиған бомба чүшкәнликини уқтурди.
