америкада 8 нәпәр палата әзаси җо байдинға очуқ мәктуп йоллиди
америкада 8 нәпәр палата әзаси пирезидент җо байдинға мәктуп йоллап, уни «исраилийәгә қорал беришни тохтитиш» қа чақириқ қилди.
түркийә авази радийоси хәвири: америка кеңәш палатасида мустәқил вермонт кеңәш палата әзаси берний сандерстин башқа йәнә 7 демократик кеңәш палата әзаси имза қойған мәктубта, исраилийә һөкүмитиниң ғәззәгә инсанпәрвәрлик йардәмләрниң йетип беришиға тосқунлуқ қилғанлиқи вә бу қилмишниң мунасивәтлик хәлқаралиқ келишимләргә түптин хилаплиқ қилғанлиқ болғанлиқи тәкитләнди.
кеңәш палата әзалири американиң үчинчи дөләткә қорал-йарағ сетишта «инсанпәрвәрлик йардәмләргә тосқунлуқ қилған дөләтләргә йардәм қилишқа болмайду» дәйдиған алақидар қанун маддисини алаһидә әскәртип, исраилийәни қорал билән тәминләшни дәрһал тохтитиш чақириқида болди.
кеңәш палата әзалири америка һөкүмитиниң бенйамин нетанйаһу һөкүмитигә қорал йоллишиниң америка қанунлириға хилап икәнликини тәкитләп, ғәззәгә муһим инсанпәрвәрлик йардәмләрниң тез сүрәттә йәткүзүлүши керәкликини билдүрди.
америка кеңәш палата әзалири бирләшмә мәктубида йәнә мундақ дәп йазди:
«федератсийә қанунлири наһайити ениқ؛ ғәззәдики киризисниң тәхирсизлики вә баш министир нетанйаһуниң американиң бу мәсилигә болған әндишисини қанчилиған қетим көрмәскә салғанлиқи ениқ. шуңа бу сийасәткә өзгәртиш киргүзүш үчүн тез һәрикәт қилиш лазим.»
