русийә билән украина әсир алмаштурди
русийә билән украина оттурисида әмәлгә ашқан әсир алмаштурушта, һәр икки тәрәптин 100 дин әскәр қойуп берилди.
түркийә авази радийоси хәвири: украина пирезиденти володимр зеленский екс (X) адресида учур һәмбәһрләп: «100 әскиримиз аилисигә қайтти. бүгүнгичә 3 миң 135 украиналиқ русийәниң зулмидин қутқузулди» деди.
русийә дөләт мудапиә министирлиқиниң бу һәқтики байанатидиму, украина билән әсир алмаштурулғанлиқи вә украина контроллуқидики җайлардин 100 русийә әскириниң қайтуруп келингәнлики билдүрүлди.
байанатта мундақ дейилди:
«украинаниң 100 әскири өткүзүп берилди. русийә әскәрлири министирлиқниң сәһийә мәркизидә давалиниши үчүн айропилан билән москваға әвәтилди. әрәб бирләшмә хәлипилики русийә әскәрлириниң қойуп берилиши үчүн инсанпәрвәрлик вастичи болди.»
икки йилдин буйан урушуватқан украина билән русийә оттурисида 31-йанвар (2024) елип берилған ахирқи әсир алмаштурушта, һәр икки тәрәптин 195 әскәр қойуп берилгән иди.
