фирансийәдә бамдат намизи җәрйанида җамәгә от қойуп беришкә урунуш вәқәси йүз бәрди
фирансийәниң финстере вилайитигә қарашлиқ сайнт мартин-дес-чампс йезисида бамдат намизи вақтида җамәгә от қойуп беришкә урунуш вәқәси йүз бәрди.
2088368
түркийә авази радийоси хәвири: фирансийә ислам кеңиши (CFCM) ниң байанатида, 13-декабир (2023) бамдат намизи җәрйанида сайнт мартин дес-чампста йүз бәргән җамәгә от қойуп беришкә урунуш җинайити әйибләнди.
фирансийә ислам кеңиши (CFCM) җамә җамаитини вә башқуруш һәйитини қоллап - қуввәтләйдиғанлиқини тәкитләп, фирансийәдики барлиқ җамәләрни диққәт қилишқа чақирди.
фирансийә ички ишлар министири гералд дарманинму екс (X( адресида елан қилған байанатида, вәқәгә қарита тәкшүрүшниң башланғанлиқини вә финстердики мусулманларни қоллап - қуввәтләйдиғанлиқини билдүрди.
