ғәрбий африқа дөләтлири иқтисадий бирләшмиси абуҗада топланди

түркийә авази радийоси хәвири: 61-нөвәтлик ғәрбий африқа дөләтлири иқтисадий бирләшмисиниң дөләт вә һөкүмәт башлиқлири йиғини үчүн бир йәргә җәм болған рәһбәрләр, йеқинқи мәзгилләрдә йүз бәргән һәрбий өзгиришләр вә деңиз қирғиқи районлиридики бихәтәрлик мәсилилирини музакирә қилиду.

ғәрбий африқа дөләтлири иқтисадий бирләшмиси комитетиниң башлиқи өмәр товрай йиғинниң ечилиш мурасимида сөз қилип, йеқинқи бир йил ичидә нигерда һәрбий өзгириш йүз бәргәнликини, серралеон вә гивинейә-биссауда болса, һәрбий өзгириш қозғаш урунушлириниң йүз бәргәнликини хатириләтти.

у һәрбий өзгиришләрниң район бихәтәрликигә зийан салғанлиқини, ғәрбий африқа дөләтлири иқтисадий бирләшмисиниң һәрбий өзгиришләргә қәтийлик билән қарши турушни давамлаштуруватқанлиқини тәкитләп, охшимиған җайлардин кәлгән бесимларға қаримастин нигерға мунасивәтлик чиқирилған қарарға әмәл қилғанлиқини қәйт қилди.

у мундақ деди:

«нигердики вәһимилик инсаний вәзийәтни билимиз, шуңа хәлқ үчүн тиббий вә инсанпәрвәрлик йардәмлирини йәткүзүшкә рухсәт қилдуқ.»

нигерийә пирезиденти вә ғәрбий африқа дөләтлири иқтисадий бирләшмисиниң нөвәтчи рәиси бола әһмәт бирләшминиң демократик бирләшмә һөкүмәтләр, иқтисадий киризислар, килимат өзгириши вә йемәк-ичмәк бихәтәрлики қатарлиқ мәсилиләргә дуч келиватқанлиқини билдүрүп: «бүгүн бир йәргә җәм болушимиз, районимизниң тәрәққийати вә үнүмлүк бирлишишкә тутқан қәтий мәйданимизни көрситип бериду» деди.