ғәззәгә рәфаһ чегра еғизидин сәккиз йүк аптомобилида инсанпәрвәрлик йардими кирди

түркийә авази радийоси хәвири: пәләстин қизилай җәмийити тәрипидин елан қилинған йазма байанатта, сәккиз йүк аптомобилидин тәркиб тапқан төтинчи қетимлиқ инсанпәрвәрлик йардәм әтритиниң мисир қизилай җәмийити тәрипидин рәфаһ чегра дәрвазисида күтүвелинғанлиқи билдүрүлди.

байанатта, йүк аптомобиллириниң бәш данисидә су, иккисидә йемәк-ичмәк вә бирсидә дора барлиқи уқтурулди.

рәфаһ чегра еғизи ахбарат ишханисиниң мудири ваил әбу муһсин 23 -өктәбирдики байанатида, 20 аптомобилдин тәркип тапқан «үчинчи» инсанпәрвәрлик йардәм әтритиниң рәфаһ чегра еғизи арқилиқ ғәззәгә киргәнликини ейтқан иди.

тунҗи йардәм әтрити 20 йүк аптомобили, иккинчиси 14 йүк аптомобилидин тәркиб тапқан болуп, түнүгүн (23-өктәбир) ки әтрәт билән җәмий ғәззәгә киргән йардәм йүк аптомобиллириниң сани 62 гә йәтти.

һамасниң һәрбий қанити қассам биригадилири 7-өктәбирдә (2023) исраилийәгә «әқса топани» намлиқ кәң көләмлик һуҗум башлиғанлиқини елан қилған вә ғәззәдин исраилийәгә миңлиған ракетамийот етилғандин сирт қораллиқ гуруппилар олтурақ районларғичә бесип киргән иди.

исраилийә армийәсиму уруш айропиланлири билән ғәззә райониға қарши «төмүр қилич һәрикити» ни қозғиғанлиқини елан қилған иди. күнсери кәскинләшкән туқутушларда, икки тәрәптин миңлиған киши җенидин айрилди.