хитай ши җинпиңниң «мустәбит» икәнликигә има қилған байдинға наразилиқ билдүрди
бейҗиң америка пирезиденти җо байдинниң хитай дөләт рәиси ши җинпиңниң «мустәбит» икәнликигә има қилған сөзлиригә «бимәнә вә мәсулийәтсизләрчә» қилинған сөз, дәп баһа бәрди.
түркийә авази радийоси хәвири: хитай ташқи ишлар министирлиқи байанатчиси мав ниң байдинниң сөзлириниң «пакитқа пүтүнләй зит вә дипломатик келишимләргә еғир хилап болғандин сирт, хитайниң сийасий инавитигиму еғир дәхли йәткүзгәнлики»ни билдүрди.
хитайниң бу қарашларға қәтий қарши туридиғанлиқини вә бу әһвалдин нарази болғанлиқини тилға алған мав ниң: «бу ениқ сийасий иғвагәрчилик... американиң байанатлири толиму бимәнә вә мәсулийәтсизләрчә. америка тәмкинлик билән йахши муһакимә қилиши керәк болған бу ишта пакитни бурмилиди һәмдә зомигәрлик вә муштумзорлуқ тәрипини ашкарилап, вәқәни мубалиғиләштүрүш үчүн күчидин пайдиланди» деди.
байдин калифорнийәдә өткүзүлгән бир паалийәтниң зийапәт залида сөз қилип, ши җинпиңниң 2- айда америка һава тәвәликигә киргән хитай «җасус шари»ниң чүшүрүветилишигә қайтурған инкасиниң «шарниң у йәрдә икәнликини билмәйдиғанлиқи»ни арқа көрүнүш қилидиғанлиқини оттуриға қойған вә сөзини давамлаштуруп: «мән әстайидил (дәватимән), немә болғанлиқини билмәслик мустәбитләр үчүн еғир номус қиларлиқ иш һесаблиниду» дегәниди.
байдин ташқи ишлар министири антоний блинкенниң хитай зийаритини «үнүмлүк» елип барғанлиқини, шундақтиму мунасивәтләрниң йахшилинишиға вақит кетидиғанлиқини ейтқаниди.
антони блинкен өткән һәптә елип барған икки күнлүк хитай зийарити җәрйанида хитай ташқи ишлар министири чин гаң билән көрүшкәниди.
مۇناسىۋەتلىك خەۋەرلەر
америка – хитай дөләт мудапиә министирлири сингапорда көрүшиду
америка – хитай дөләт мудапиә министирлири келәр һәптә сингапорда тунҗи қетим йүзтуранә көрүшиду.
