еквадордики йәр көчүш вәқәсидә қаза қилғанлар сани 65 кә йәтти
җәнубий америка дөлити еквадорда 27-март йүз бәргән йәр көчүш вәқәсидә һайатидин айрилғанларниң сани 65 кә йәтти.
2000734
түркийә авази радийоси хәвири: еквадор җиддий әһвалларға тақабил туруш қоманданлиқ мәркизи катибат башқармисиниң билдүрүшичә, чимборазо өлкисиниң алавси йезисида йүз бәргән йәр көчүш апитидин кейин йеңи җәсәтләр тепилған.
шуниң билән, йәр көчүш апитидә һайатидин айрилғанларниң сани 65 кә йәткән.
игилинишичә, бәзи кишиләрниң йоқап кәткән болуш еһтималлиқи нәзәрдә тутулуп, издәш – қутқузуш паалийәтлири бир мәзгил давамлишидикән.
йәр көчүш апити сәвәбидин 163 өйниң зийанға учриғанлиқи, 60 өйниң пүтүнләй вәйран болғанлиқи вә 56 кишиниң һайатидин айрилғанлиқи билдүрүлгәниди.
еквадор таратқулириниң хәвәрлиридә, бу райондики тағда йеқинда йериқ пәйда болғанлиқи, буниң йәр көчүш апитини кәлтүрүп чиқарғанлиқи илгири сүрүлгәниди.
