һиндонезийәдә йүз бәргән йәр көчүш апитидә 11 адәм қаза қилди
һиндонезийәниң натуна районида йүз бәргән йәр көчүш апитидә 11 киши қаза қилди, онларчә киши йоқап кәтти.
түркийә авази радийоси хәвири: һиндонезийә җиддий әһвалларға тақабил туруш қоманданлиқ мәркизи даирилириниң билдүрүшичә, натуна райониниң серасан йезисиға тәсир көрсәткән қара йамғур сәвәбидин йәр көчүш апити йүз бәргән.
йәр көчүш апити нәтиҗисидә, йезидики өйләр көмтүрүлүп кәткән.
даириләрниң әскәртишичә, издәш - қутқузуш паалийәтлири давамида 11 кишиниң җәсити тепилған болуп, йәр көчүш апитидә җенидин айрилғанлар саниниң көпийип кетишидин әндишә қилинмақта икән.
алақә линийәлиридики кашилилар вә һава райи шараитиниң начарлиқи сәвәблик, онларчә сақчи, әскәр вә пидаийларму қатнашқан издәш - қутқузуш хизмәтлири қийин шараитта давамлашмақта икән.
һиндонезийә җиддий әһвалларға тақабил туруш қоманданлиқ мәркизиниң байанатчиси абдулмухариниң ейтишичә, издәш - қутқузуш әтрәтлири йәр көчүш апитидә талапәткә учриған бәзи районларға техичә йетип баралмиған болуп, 50 дәк кишидин хәвәр елиналмиған.
