болсонару путинни қоллиди

түркийә авази радийоси хәвири: болсонаро сав павлода өткүзүлгән мухбирларни күтүвелиш йиғинида сөз қилип, биразилийәниң путинға йүргүзүлидиған һәрқандақ җаза йаки әйибләшни қоллимайдиғанлиқини оттуриға қойди.

болсонаро, чоң киризисни һәл қилиш үчүн тәрәп тутмаслиқ керәкликигә ишарәт қилип: «мәйданимиз чоқум интайин еһтийатчан болуши керәк. дунйаниң һәр қандақ йеридә һечким урушни йақлимайду. (әгәр урушни йақлисақ) пүткүл инсанийәт вә дөлитимиз үчүн интайин еғир мәсилиләрни кәлтүрүп чиқиримиз» деди.

биразилийә рәһбири, украина пирезиденти виладимир зеленскийниң бурунқи кәспини сөрәп чиқип, «комедийә артиси» деди вә украина хәлқиниму әйибләп: «мениңчә, хәлқ милләтниң кәлгүсини шәкилләндүрүш мәсилисидә униңға ишәнди. бир милләтниң тәқдири комедийә артисиға ташлап қойулди. украина хәлқиниң қаришичә, бу мәсилини һәл қилиш үчүн тәңпуңлуққа еһтийаҗ бар» деди.