канадада 70 милйон йиллиқ бир таш қатма тепилди

түркийә авази радийоси хәвири: канададики бир канда ишләватқан ишчилар 70 милйон йаш икәнлики тәхмин қилинған бир мосазор таш қатмисни байқиди.

алберта вилайитидики канада хан җәмәти музей мудири дан спивак, летбрид райониға йеқин җайдики бир канда ишливатқан ишчиларниң 70 милйон йаш икәнлики тәхмин қилинған бир таш қатмини байқиғанлиқини билдүрди.

мосазорниң деназавординму бәкрәк йиртқуч мәхлуқ икәнликини ейтқан спивак: бу мәхлуқ берспав деңизида йашайтти, мосазор таш қатмиси һелиһәм қийалар билән қапланған вәзийәттә турмақта, лекин башқа һайван түрлиригә селиштурған вақтимизда мосазор толиму йоған һайван икәнликини биләләймиз, бу һайван әҗдәрһаға охшап қалиду, деди.

таш қатминиң 7 метир узунлуқта икәнликини ейтқан спивак йәнә мундақ деди: «баш сөңики 1 метир болған таш қатлиминиң өткүр чишлири бар, һазир дунйада йашаватқан буниңға охшаш һайван йоқ, бу һайванниң нәсли аллибурун йоқиған.»

спивак сөзини давамлаштуруп: бу һайван 72 милйон илгири албертаниң көп қисмини қаплиған деңизларда йашайтти, деди.

музей мудири спивак канниң таш қатма тепилған қисминиң тақиветилгәнликини вә ишчиларниң канниң башқа қисмиға йөткәлгәнликини билдүрди.