әнглийәниң йавропа иттипақидин айрилишиға алақидар қарарнамини авазға қойуш кечиктүүрлди
әнглийәниң йавропа иттипақидин айрилишиға алақидар қарарнаминиң 7 – ийун күни авазға қойулуши кечитүрүлди.
түркийә авази радийоси хәвири: әнглийәдә һөкүмәт әмәлдари марк спендер, әнглийәниң йавропа иттипақидин айрилишиға алақидар қарарнамини 3 – ийун күни елан қилишни вә 7 – ийун күни авазға қойушни пиланлиғанлиқлирини, лекин, бу һәқтә бирдәклик һасил қиллалмиғанлиқлирини, шуңа қарарнаминиң қачан авазға қойулуши һәққидә кейинчә мәлумат беридиғанлиқлирини қәйт қилди.
өктичиләр партийәсидин валерие ваз болса, қарарнаминиң авазға қойулуши үчүн баш вәзир тереса мейға бесим ишлитиливатқанлиқини тәкитләп мундақ деди: «баш вәзир тереса мей йәнә бир қетим сийасий келәчикини миллий мәнпәтләрдинму артуқ көрди.»
әнглийә баш вәзири тереса мей төтинчи қетим парламентқа сунидиған әнглийәниң йавропа иттипақидин айрилишиға алақидар келишимгә мунасивәтлик йеңи қарарнаминиң мәзмуни һәққидә 21 – май күни байанат елан қилған, иккинчи қетим реферандум өткүзүлүш еһтималлиқиниң барлиқини ейтқаниди.
әслидә әнглийәниң келишимгә асасән 29 – май күни йавропа иттипақидин айрилиши керәк иди, әмма әнглийә парламенти бу һәқтики келишимни мақуллимиғанлиқи үчүн, әнглийәниң йавропа иттипақидин айрилиш мәсилиси аввал 12 – апрелға, кейинчә 21 – өктәбиргә кечиктүрүлгәниди.
