финландийәдики бир мәсҗид һуҗумға учриди
финландийәниң пайтәхти хелсинкидики бир мәсҗидниң темиға исламға зит хәтләр йезип қойулған.
түркийә авази радийоси хәвири: финландийәниң пайтәхти хелсинкидики бир мәсҗид кәйнидин-кәйнидин икки күн һуҗумға учриди.
мәллунмаки районидики мәсҗидкә қилинған һуҗумда маддий зийан көрүлмиди .
мәсҗид җамаитиниң тәшкилий һәйәт әзаси һәсән саһим, мәсҗидниң тамлириға исламға һақарәт мәзмун қилинған хәтләрниң йезип қойулғанлиқини билдүрди.
хелсинки сақчи идарисида хизмәт қилидиған сампо суомала, вәқә үстидә тәкшүрүш елип бериливатқанлиқини ейтти.
буниңдин сирт, хелсинки сақчи идарисиға қарашлиқ җинайәтләрниң алдини елиш бөлүми башлиқи җари тапонен, твиттер адресида бу вәқә тоғрулуқ учур йазғандин сирт, йеңи зеландийәдики җамәләргә қилинған террорлуқ һуҗуми һәққидиму тохталди.
җари тапонен учурида йәнә финландийәдики мусулманларниң нәпрәт җинайәтлиригә дуч келиватқанлиқини әскәртти.
җари тапонен мусулманлардин нәпрәтлиниш хаһишлири вә гәп-сөзләрниң җәмийәттә адәттидәк бир иштәк чүшинип қелинишиниң, җинайәтләрниңму бир мәзгил өткәндин кейин адәттики вәқәләрдәк билинип қелишиға сәвәб болидиғанлиқини билдүрди.
