трамп ким җоңун билән вейтнамда көрүшти

түркийә авази радийоси хәвири: мәлуматларға қариғанда, икки рәһбәрниң вейтнамниң пайтәхти ханойдики  учришиши, шу җай вақти саәт 18 дин 30 минут өткәндә (әнқәрә вақтин саәт 14 тин 30 минут өткәндә) башлланған болуп, асаслиқ учришиш әтә ишқа ашурулидикән.

ақсарай тәрипидин бу һәқтә елан қилинған байанатта әскәртилишичә, икки рәһбәр тәхминән 20 минут әтрапида көрүшкәндин кейин, һәйәтләр билән бирликтә кәчлик тамақ зийапитигә қатнишиидикән.

трампниң вейтнам  дөләт рәиси нгуйен шуәнпук биләнму бир йәргә җәм болуши күтүлмәктә икән.

америка қошма иштатлири пирезиденти доналд трамп билән шималий корейә рәһбири ким җоңун тунҗи қетим 2018 – йили 12 – ийун күни сингапорсда көрүшкән вә кәң даирилик келишимни имзалиғаниди.

трамп ахирқи қетимлиқ байанатида, ким җоңун билән мувәппәқийәтлик бир учришиш елип баридиғанлиқлирини, шуниң билән бир вақитта, шималий корейәниң йадро қораллиридин халини қилиниши мәсилисидә алдирап һәрикәт қилмайдиғанлиқлирини қәйт қилғаниди.