нетанйаһу иранниң тәһдитлиридин қорқмайдиғанлиқлирини ейтти
исираилийә баш министири нетанйаһу иран елан қилған «америка бизгә һуҗум қилса, биз тел авив билән һайфани йәр йүзидин йоқ қилимиз» дегән байанатқа наразилиқ билдүрди.
түркийә авази радийоси хәвири: исираилийә баш министири нетанйаһу: «иран тел авив билән һайфани йәр йүзидин йоқ қилишни синаштәк хаталиқни өткүзсә, бу улар тәбриклигән инқилабниң ахирқи йили болуп қелиши мумкин» деди.
у иран селиватқан тәһдитләрни нәзәрдин сақит қилмайдиғанлиқлирини, әмма бу тәһдитләрдин қорқмайдиғанлиқлирини билдүрүп: «әгәр иран һакимийити тел авив билән һайфани йәр йүзидин йоқ қилишни синаштәк хаталиқни өткүзсә-әлвәттә әмәлгә ашуралмайду-бу улар тәбриклигән инқилабниң әң ахирқи йили болуп қелиши мумкин, буни нәзәрдә тутуши керәк» деди.
иран инқилабий муһапизәтчиләр қисминиң қоманданлиридин йадуллаһ җавани түнүгүн (11-феврал) иран ирна (IRNA) агентлиқиға байанат берип: «америка бизгә һуҗум қилса, бизму тел авив билән һайфани хәритидин өчүрүветимиз» дегән иди.
مۇناسىۋەتلىك خەۋەرلەر
америка – хитай дөләт мудапиә министирлири сингапорда көрүшиду
америка – хитай дөләт мудапиә министирлири келәр һәптә сингапорда тунҗи қетим йүзтуранә көрүшиду.
