америка венезуелаға әвәткән инсанпәрвәрлик йардәмлири коломбийәгә йетип кәлди

америка һөкүмити венезуелада өзини «вақитлиқ пирезидент» дәп елан қилған хуән гуайдониң тәлипигә бинаән әвәткән инсанпәрвәрлик йардәмләрниң, коломбийәниң венезуела чеграсиға йетип кәлгәнлики билдүрүлди.

америка венезуелаға әвәткән инсанпәрвәрлик йардәмлири коломбийәгә йетип кәлди

түркийә авази радийоси хәвири: америка һөкүмити венезуелада өзини «вақитлиқ пирезидент» дәп елан қилған хуән гуайдониң тәлипигә бинаән әвәткән америка хәлқаралиқ тәрәққийат агентлиқи (USAID) ниң инсанпәрвәрлик йардәм буйумлири қачиланған аптомобиллири, коломбийәниң венезуела чеграсидики кукута шәһиригә йетип барди.

американиң сантафе богота әлчиханисиниң твиттер беқтидә елан қилған байанатта: «америка хәлқаралиқ тәрәққийат агентлиқиниң инсанпәрвәрлик йардәмлирини тошуған тунҗи түркүмдики аптомобиллири коломбийәгә йетип кәлди. вақитлиқ пирезидент хуән гуайдониң тәлипигә бинаән инсанпәрвәрлик йардәмлирини тезликтә йәткүзүшкә тиришимиз» дейилди.

ақсарай дөләт хәвпсизлик мәслиһәтчиси җон болтон өткән һәптә твиттерда байанат елан қилип, венезуелаға инсанпәрвәрлик йардәм әвәтилидиғанлиқини билдүргән иди.

коломбийә билән венезуелани туташтуридиған лас тийендитас көврүки, сәйшәнбә (5-феврал) веензуела һәрбий қисми тәрипидин коломбийәдин келидиған инсанпәрвәрлик йардәмгә қарши бетон тосуқлар, тикәнлик симлар вә йүк аптомобиллири билән тақиветилгән иди.



مۇناسىۋەتلىك خەۋەرلەر